Ion Barbarinek eta Txori García Urizek antzeztutako obrak umorez eta sinesmen erlijiosoa errespetatuz salatzen ditu Eliza Katolikoak bere izenean erregistratu zituen ondasunak.

Bi aingeru inozo dira eszena ezberdinak aurkezten dituzten zeremonia-maisuak. Eliz mutilak, gotzainak, apaizgaiak, jabetza-erregistroko funtzionarioak…

Loteria berezi honetan zortea diozesiaren arabera banatzen da eta sari nagusia Kordobako Meskita da.

Herriko apaizak eskuak garbitzen ditu, abesti alai bat entzuten da, ondasun higiezinak erregistratzea zein erraza den azaltzen duena, eta gure aingeruek ezin sinetsita ikusten dute hori guztia goi-goitik.