“Nekatutak” lanaren arrakastaren ondotik, Antton Telleria agertokietara itzuli da mikrofonoa eskuan gu irri eginarazteko bere estilo ironikoaren bidez eta berebereak diren txisteen bitartez. “Ninini” egolatriari eginiko oda bat da, Anttonek bere buruaz hitz eginen baitu etengabe, baina baita zintzotasun ariketa bat ere. Ikuskizun honetan Antton biluztu eginen da. Metaforikoki eta metaforikoki soilik, denon hobe beharrez. Hitz eginen digu bere buruarekin duen harremanaz, bere izenaz, bere bikotekideaz, komikoa izateaz eta bertsolari tradizional ez izateaz.