Dramaturgia eta zuzendaritza: Pedro Miguel Martínez

Pianista: Francesco Casali

Interpreteak: Aurora Moneo, José María Asín, Marta Juaniz, Txori García Uriz, Leire Ruiz, Iratxe García Uriz, Pablo Salaberri, Maiken Beitia, Oier Zuñiga

“Mackie Navaja”ren doinuek kabaret giroan barneratuko gaituzte, baina baita gangster giroan ere. Eta berehala Bertolt Brecht maisuaren hitzek astindu ederra emanen digute gure jarlekuan: Ez ezazue ohikoa gauza naturaltzat hartu, zeren, desordena, nahasmendu antolatua, arbitrarietatea eta gizatasun gizagabetua nagusi diren garaietan, ezerk ere ez baitu natural iruditu behar, ezerk ere ez baitu aldatzeko ezinezkoa iruditu behar. Agertokian, bederatzi aulki, piano bat, testuak harat-honat, eta aktore talde bat, sekulako egiak esaten dituzten testuak irakurtzen eta abesten, guztiak ere Brechtek onduak.

Wesker eta Txekhovekin egin zuten bezala, antzerki unibertsalaren idazle handi horren testu gehiago irakurtzeko gogoa piztea da aktore taldearen asmoa, bai eta haren testuetatik ikastea ere, idatzi zirenean bezain beharrezkoak edo are beharrezkoagoak baitira gaur egun.

Antzezpenaren ondotik, topaketa talde artistikoarekin.