Nilo aktore kaskarra da, eta jadanik ez diote lanik ematen. Emazteak utzi egin du eta bera pentsamendu autosuntsitzaileen kiribilean murgildu da. Familiako trauma bat ezkutatzen duen Walrus igerilari adituari esker, Nilok igeri egiten ikasiko du berrogeita zortzi urterekin, eta bide horretan, bere bizitzako ikasgairik garrantzitsuena ere jasoko du.

Kontakizun liluragarria da. Itsasoak “halabeharrez” korapilatutako bi bizitza eta, itsasertzean, adiskidetasuna, bien salbabide. Gizonezkoen arteko adiskidantza istorio zoragarria da, fikzioak kontatu ohi dizkigunez oso bertzelakoa: samurra, maitekorra eta enpatikoa.