Aurten ere, Zizur Nagusiko Aire Zabaleko Pintura Lehiaketaren deialdia egiten da. Irailaren 13an, igandean, izanen da. Gaiak Zizur Nagusiarekin eta bere paisaiak, txokoak, interes historiko eta artistikodun eraikinekin… zerikusia izan beharko du eta nahi den teknika aukeratu daiteke. Parte-hartzaileek eramango dituzten lanen neurria librea izango da. Hala ere, neurriak gehienez ere 100 cm izango du lanaren alde guztietan. Lanak euskarri zurrun eta arinaren gainean aurkeztuko dira.

Erabiliko diren euskarriak (gehienez ere bi pertsona bakoitzeko) Kultur Etxean zigilatuko dira irailaren 13an, goizeko 10:00etatik 11:00etara. Parte-hartzaileak astoa eta lanak egiteko beharrezko tresna guztiak eramango ditu. Lan bakar bat aurkeztu ahal izango da, SINATU GABEKOA.

Honako sariak emango dira:

Lehen saria: 900 € eta diploma.
Bigarren saria: 600 € eta diploma.
Bertako lanik onenari akzesita: 300 € eta diploma (accesitaren irabazlea Zizur Nagusian erroldatua egon beharko da).

Ikusi hemen AIRE ZABALEKO PINTURA LEHIAKETAREN oinarriak