Bargastak emakume lotsagabe eta ausartak dira. “Zizurko bargastak’, hortaz, gure herriko emakume ausartendako gonbita da, artista gonbidatuekin bat egin dezaten eta anfiteatroaren plaza publikoa har dezaten. “Mariokerrak. Nola esan/izan bollera euskaraz’ haritzat harturik, Garazi San Martin inprobisatzaileak artistak eta herriko kolektiboak zuzenduko ditu, emanaldiaren fokua arloz arlo eramanik; batzuetan, norbanakoen emanaldiak, bestetan bizpahiru diziplina fusionatuta eta uztartuta. Saioa Alkaiza eta Maddi Ane Txoperena bertsolariak, Ilunabarra txistulari taldea, Birariak dantza taldea, Zizurko Joaldunak eta artista grafiko bat arituko dira. Ekimena hiru udal

programaziotan dago sarturik: Kulturakoan, barnealdeko denboraldia ixteko; Zizurren Euskaraz programan, helduendako beste kale ikuskizun batzuek lagundurik eta, era berean, Harrotasunaren egunerako proposamen aberasgarrian, sexu askatasun eta aniztasunak aldarrikatze aldera.

 Ikuskizuna elkarlanean antolatu dute Zizur Nagusiko Berdintasun, Kultura eta Euskara zerbitzuek herriko taldeekin.