Herriko merkataritza eta ostalaritzan euskararen erabilera handitzeko asmoz, Zizur Nagusiko udalak Euskara Merkataritzara programa antolatzen du, beste udal batzuekin batera: aholkularitza, karteleria, euskarriak… eta orain honakoa ikastaroa eskaini nahi die euskaraz ez dakiten jendaurreko langileei: “Euskara (desde) Zero”. Ikastaroaren ezaugarriak:

Nori zuzenduta: Zizur Nagusiko merkataritza eta ostalaritzako euskararik ez dakiten langileei.
Helburua: oinarrizko euskara ikasi euskaldunei arreta ematen laguntzeko.
Zenbat saio: guztira 12 saio, bakoitza bi ordukoa.
Noiz: 2023ko azaroan eta abenduan, astean bi egun.
Ordutegia: hiru proposamen daude. Gehiengoak aukeratzen duena aterako da.
Lekua: Zizur Nagusian bertan.
Prezioa: doan.

Jakiteko gutxieneko ikasle kopurua dagoela eta ordutegia erabakitzeko, bete honako galdetegia irailaren 21erako, osteguna:

Datuen babeserako oinarrizko informazioa:
Tratamenduaren arduraduna: Zizur Nagusiko Udala
Helburua: Euskara Arloak antolatutako jardueren kudeaketa egitea.
Eskubideak: Interesdunek eskubidea dute beren datu pertsonalak eskuratzeko, zuzentzeko zuzenak ez badira, ezabatzeko eta gainerako eskubideak. Horretarako, udal bulegoetara zuzendu ahal da.
Informazio gehigarria: Informazio gehiago duzu gure webgunean, pribatutasun-oharra atalean.
—-